Aidang riangmang mi biachim le lungput
By: Thang Hnin
Zu te nupa cu umhar phen ah biasawng an tlawrh. A nupi nih a thawh i, "ka dawt, ziah kan inn ngeitu pa hi, zaan tim ah a nupi hi a awnter lengmang hnga? a ti. An pa nih cun, a thawh i, "Na hrut maw? Minung cu chun rian an ngeih i, zan rian zong pei an ngeih chih cu! a ti. "A silo e, darling, a caan ah khika tung kil te khin, ka bih tawn hna i, an pa nih dakaw, a duhlo bu in, hngilh thiam loin a chiah tawn cuh! Minung nu pawl hi, kanmah zuu bantuk in "right" an ngei ve rua lo e! a ti. "Kei cu ka duh lo ahcun, kan seh, kan seh i kan chiah ko kha aw!" a ti.
An pa nih cun a thawh than i, "kan inn ngeitu hi Laimi an si i, Laimi phungtluk ah "nupi vuak le darkhuang tum" timi te hna an ngei. "Nu bia in bia tlu bal hlah" tibantuk hna an ngei. "Pa le uico" timi hna an ngei fawn. Nu hi cu fa hringtu le zaan ah dilriamnak men ah pei an hman tawn hna cu!" a ti. Asi khe lai e! a nupi aa hngilh hnu ah dakaw, a hngilh cang i, a mitku a chia lai timi tuak loin, a duh paoh in a tuaitam ko cu e! An i hngilh cang rua tiah, Coka ah rawl kawl ka thawh i, ruahlopi in a thawngpang a ring tawn i, thinphang lengmang in an ka chiah tawn, a caan ah ka tliknak le ka thupnak ahhin, bel hna ka thlak dih tawn, kan inn ngeitu pa hi, iang puang tak cu, a si, tiah an pa cu a hei chim len.
An pa nih a thawh than i, cu kong cu ma na ka ruah a har? Hinak in "Livingtogether" timi kong an i ceihmi hi na khuaruah a har deuh lo ma?" a ti. Ziah, "livingtogether" timi cu, hmun khat ah um ti, tinak a si ko lo ma? tiah a nupi nih a ti.
"Asi ko, nain anmah cu, "livingtogether" hi sual a si an ti cu; an huat ning hi a mak te aww; hmun khat ah um ti maw a sual hnga ka ti i, cucu ko cu ka khuaruah a harmi a si' a ti. Ka khuaruah a har khunnak cu, kan inn ngeitupa te miphun hi, Sakah tibantuk, atu nangmah le keimah thah te hna zong hi dakaw, thawn ah an ruah cu! Cu nak in a zual deuhmi cu, nungak ngei bal, nungak ihpi bal, nungak tampi ihpi timi te hna hi thawn taktak ah a ruah cu! Pa pawl nihhin nungak ihpi nak kong chim te hna hi, a nuam an ti; thawn ah an rel fawn. A cheu cu an ihpi bal lomi nungak tiang hi ka ihpi cang tiah an hawile sinah chim an hman. Cu tluk tiang cun, nungak ihpi hi an uar i an duh. Nungak ihpi hi "Sual" ah an ruat bak lo. A cheu cu nungak an helhmi hna hi, ihpi ding ri ngawt ah dakaw an helh ko hna cu! Cubantuk lungput a ngeimi hna nih cun dakaw, livingtogether hna cu, sual a si an ti le, biaruahnak kip ah an chim cuh! An thinlung ah a ummi le an kaa in an chimmi kha a ralkah tuk tawn i dakaw, ka khuaruah an har khunnak cu a si, tiah a nupi cu a hei chim ve.
Cucu, zeitindah an "chimmi" le an "lungput" cu a ralkah khawh e? tiah a nupi nih cun a hal. Bi-zu chung i a kum kum in an chiahmi, an kau bal lo i, hnawm nih a khuh dihmi, cauk nganpi, Bible timi chung i, a tialmi, Farasi timi miphun bantuk kha an si ko hme cu! An lenglei cun mitha an lo tak; an lenglei cun, a nun ziaza a tha bakmi lawngte an si ko nain, an chunglei ahcun a thurhnawm takmi, a zer takmi, sualnak he a khatmi lawngte an si ko hna cu! thingthei a chung lei a nak dih nain a hawng a rangmi bantuk an si ko hen cu! tiah a ti. Keimah hi, "zeidah ka si," timi tuak hmasa loin an duhmi paoh an chim caah, an lungput le an chimmi a ralkah hi a si ko lai' a ti.
By: Thang Hnin
Zu te nupa cu umhar phen ah biasawng an tlawrh. A nupi nih a thawh i, "ka dawt, ziah kan inn ngeitu pa hi, zaan tim ah a nupi hi a awnter lengmang hnga? a ti. An pa nih cun, a thawh i, "Na hrut maw? Minung cu chun rian an ngeih i, zan rian zong pei an ngeih chih cu! a ti. "A silo e, darling, a caan ah khika tung kil te khin, ka bih tawn hna i, an pa nih dakaw, a duhlo bu in, hngilh thiam loin a chiah tawn cuh! Minung nu pawl hi, kanmah zuu bantuk in "right" an ngei ve rua lo e! a ti. "Kei cu ka duh lo ahcun, kan seh, kan seh i kan chiah ko kha aw!" a ti.
An pa nih cun a thawh than i, "kan inn ngeitu hi Laimi an si i, Laimi phungtluk ah "nupi vuak le darkhuang tum" timi te hna an ngei. "Nu bia in bia tlu bal hlah" tibantuk hna an ngei. "Pa le uico" timi hna an ngei fawn. Nu hi cu fa hringtu le zaan ah dilriamnak men ah pei an hman tawn hna cu!" a ti. Asi khe lai e! a nupi aa hngilh hnu ah dakaw, a hngilh cang i, a mitku a chia lai timi tuak loin, a duh paoh in a tuaitam ko cu e! An i hngilh cang rua tiah, Coka ah rawl kawl ka thawh i, ruahlopi in a thawngpang a ring tawn i, thinphang lengmang in an ka chiah tawn, a caan ah ka tliknak le ka thupnak ahhin, bel hna ka thlak dih tawn, kan inn ngeitu pa hi, iang puang tak cu, a si, tiah an pa cu a hei chim len.
An pa nih a thawh than i, cu kong cu ma na ka ruah a har? Hinak in "Livingtogether" timi kong an i ceihmi hi na khuaruah a har deuh lo ma?" a ti. Ziah, "livingtogether" timi cu, hmun khat ah um ti, tinak a si ko lo ma? tiah a nupi nih a ti.
"Asi ko, nain anmah cu, "livingtogether" hi sual a si an ti cu; an huat ning hi a mak te aww; hmun khat ah um ti maw a sual hnga ka ti i, cucu ko cu ka khuaruah a harmi a si' a ti. Ka khuaruah a har khunnak cu, kan inn ngeitupa te miphun hi, Sakah tibantuk, atu nangmah le keimah thah te hna zong hi dakaw, thawn ah an ruah cu! Cu nak in a zual deuhmi cu, nungak ngei bal, nungak ihpi bal, nungak tampi ihpi timi te hna hi thawn taktak ah a ruah cu! Pa pawl nihhin nungak ihpi nak kong chim te hna hi, a nuam an ti; thawn ah an rel fawn. A cheu cu an ihpi bal lomi nungak tiang hi ka ihpi cang tiah an hawile sinah chim an hman. Cu tluk tiang cun, nungak ihpi hi an uar i an duh. Nungak ihpi hi "Sual" ah an ruat bak lo. A cheu cu nungak an helhmi hna hi, ihpi ding ri ngawt ah dakaw an helh ko hna cu! Cubantuk lungput a ngeimi hna nih cun dakaw, livingtogether hna cu, sual a si an ti le, biaruahnak kip ah an chim cuh! An thinlung ah a ummi le an kaa in an chimmi kha a ralkah tuk tawn i dakaw, ka khuaruah an har khunnak cu a si, tiah a nupi cu a hei chim ve.
Cucu, zeitindah an "chimmi" le an "lungput" cu a ralkah khawh e? tiah a nupi nih cun a hal. Bi-zu chung i a kum kum in an chiahmi, an kau bal lo i, hnawm nih a khuh dihmi, cauk nganpi, Bible timi chung i, a tialmi, Farasi timi miphun bantuk kha an si ko hme cu! An lenglei cun mitha an lo tak; an lenglei cun, a nun ziaza a tha bakmi lawngte an si ko nain, an chunglei ahcun a thurhnawm takmi, a zer takmi, sualnak he a khatmi lawngte an si ko hna cu! thingthei a chung lei a nak dih nain a hawng a rangmi bantuk an si ko hen cu! tiah a ti. Keimah hi, "zeidah ka si," timi tuak hmasa loin an duhmi paoh an chim caah, an lungput le an chimmi a ralkah hi a si ko lai' a ti.